Яр Чаллыда 42 нче мәктәп базасында профильле лицей төзелеше дәвам итә
«Партия десанты» проекты кысаларында муниципаль берәмлек башлыгы урынбасары Ирина Сәгыйдуллина, шәһәр Советы депутатлары Әлфинур Галиәкбәрова, Вадим Матюшин, «Бердәм Россия» партиясенең Чаллы бүлекчәсе политсоветы әгъзасы Андрей Ляпунов һәм мәгариф идарәсе җитәкчесе Рөстәм Хуҗин 65 нче микрорайондагы 42 нче яңа мәктәп төзелешенең барышы белән таныштылар.
Мәктәпне "Евростиль" компаниясе төзи. Хәзер биредә актлар һәм спорт залларын монтажлау, фасад һәм түбә урнаштыру, эчке челтәрләр (су һәм электр белән тәэмин итү, вентиляция, кондиционир, җылыту) урнаштыру, шулай ук территорияне төзекләндерү эшләре бара. Контроль-пропуск пункты төзелә.
Өлкән сыйныфлар өчен бина 1 224 урынга исәпләнгән. 5-11 сыйныф укучылары өч белгечлек буенча укыячак: химия-биология, социаль-гуманитар һәм физика-математика.
Яңа бинада икенче һәм өченче катларда дәресләр өчен кабинетлар әзер инде. Икенче кат гуманитар фәннәрне өйрәнү өчен билгеләнгән, ә өченчесе - табигый-фәнни цикл предметлары буенча.
Коридорларны бизәүгә дә аерым игътибар бирелә. Стеналарда - республика тарихы буенча күрсәтмә белем бирү материаллары, аерым дивар Татарстан галимнәре турында сөйли.