88 меңнән артык кеше «Мәгариф флагманнары» проектында катнашты
«Россия - мөмкинлекләр иле» президент платформасының «Мәгариф флагманнары» һөнәри конкурсында катнашуга гаризалар кабул итү тәмамланды. Рәсми сайтта илнең барлык төбәкләреннән 88 меңнән артык кеше теркәлгән, шуларның 44 548 е шул ук исемдәге һөнәри конкурста катнашуга гариза биргән. Проект Россия Федерациясе Мәгариф министрлыгы ярдәмендә гамәлгә ашырыла.
«Мәгариф флагманнары» проекты мәгариф өлкәсендә иң сәләтле һәм максатчан белгечләрне, идарәчеләрне, педагогларны һәм студентларны да кертеп, ачыклау һәм аларга ярдәм итүгә юнәлтелгән. Регионнар арасында - проектка теркәлү буенча лидерлар рәтендә Саратов өлкәсе (4500дән артык катнашучы), Курск өлкәсе (3500дән артык катнашучы), Краснодар крае (3200дән артык катнашучы), Волгоград һәм Свердловск өлкәләре (3000дән артык катнашучы).
«Мәгариф флагманнары» проектының иң мөһим чараларыннан берсе - идарәчеләрнең, педагогларның һәм студентларның карьера үсешенә юнәлтелгән шул ук исемдәге һөнәри конкурс.