Ата-аналар дәүләт хезмәтләренең бердәм порталында җәйге балалар ялы турындагы фикерләре белән уртаклаша алалар

2024 елның 11 сентябре, чәршәмбе

Россия Мәгариф министрлыгы Россия Саннар министрлыгы белән берлектә балаларның җәйге ялы белән ни дәрәҗәдә канәгать булуы турында ата-аналардан сораштыру үткәрә. Бердәм дәүләт порталында аноним рәвештә сораштыру узарга мөмкин.

Ата-аналар фикере балаларның ял итү һәм сәламәтләндерү системасындагы реаль вәзгыятьне бәяләргә ярдәм итәчәк. Сораштыру нәтиҗәләре барлык ведомстволар һәм оешмалар тарафыннан тикшереләчәк. Балалар ялын үстерү һәм яхшырту бурычларын формалаштырганда ата-аналарның җаваплары исәпкә алыначак.