«Иң яхшы туган тел укытучысы», «Мәктәпкәчә яшьтәге балаларның (тәрбиячеләрнең) туган телдә сөйләмен үстерүнең иң яхшы практикалары» Бөтенроссия һөнәри конкурсы
«Иң яхшы туган тел укытучысы» «Мәктәпкәчә яшьтәге балаларның (тәрбиячеләрнең) туган телдә сөйләмен үстерүнең иң яхшы практикалары - 2024» Бөтенроссия һөнәри конкурсы Россия Федерациясе Мәгариф министрлыгы тарафыннан үткәрелә.
Конкурс өченче тапкыр уздырыла һәм 2022-2032 елларда төп халыклар телләренең Халыкара унъеллыгын Россия Федерациясендә үткәрүнең әһәмиятле чарасы санала. 2023 елда - Казан шәһәренең Вахитов районындагы 41 нче мәктәпкәчә төркем тәрбиячесе Лотфуллина Айсылу Газинур кызы Бөтенроссия һөнәри конкурсында абсолют җиңүче булды. Быел без республикабызда җиңүчеләр - конкурсантларны каршылыйбыз. Тәрбиячеләр өчен конкурс сынаулары 2024 елның 18 сентябрендә Казан шәһәрендә башлана. Конкурста туган тел укытучылары гына түгел, балалар бакчалары тәрбиячеләре дә катнаша.
Йомгаклау этабында катнашучылар өчен конкурс сынаулары гына түгел, экскурсияләр, кызыклы очрашулар, театрларга бару мастер-класслары да планлаштырылган.
Татарстан Республикасында илебез халыкларының туган телләрен һәм мәдәни мирасын саклауга зур игътибар бирелә. Татарстанда мәктәпкәчә белем бирү программаларын гамәлгә ашыручы 1945 мәгариф оешмасы эшли. Мәктәпкәчә мәгариф оешмаларында гражданнарның хокукларын гамәлгә ашыру максатларында рус, татар, чуаш, удмурт, мари телләре булган тәрбия һәм укыту төркемнәре эшләп килә. Хәзерге вакытта мәктәпкәчә өлкәдә 48 меңнән артык хезмәткәр эшли, шуларның 20 меңнән артыгы - педагогик хезмәткәрләр, шуларның 941е - татар телен өйрәтү буенча тәрбияче һәм 77 се рус телен укыту буенча. Балалар бакчалары тәрбиячеләре өчен конкурс сынаулары 18-22 сентябрь көннәрендә Казан шәһәренең Яңа Савин районы 99 нчы балалар бакчасында узачак.
Җиңүчеләрне һәм призерларны бүләкләү тантанасы 21 сентябрьдә Казанда узачак, ә Халыкара укытучылар көнендә конкурста җиңүче Дәүләт Кремль сараенда тантанада катнашачак.