Лениногорск районында «Үсеш ноктасы» үзәге ачылды
Лениногорск районы Ивановка авылы мәктәбендә «Мәгариф» илкүләм проектының «Заманча мәктәп» федераль проекты кысаларында төзелгән һәм «Үсеш ноктасы» федераль мәгариф челтәре үзәкләренең берсе булган табигый-фәнни һәм технологик юнәлешле яңа мәгариф үзәге ачылды.
Үзәк укучыларга заманча белем технологияләре һәм инновацияләргә керү мөмкинлеген тәэмин итү, шулай ук цифрлаштыру, фәнни тикшеренүләр һәм гамәли экспериментлар кебек өлкәләрдә аларның күнекмәләрен үстерүгә ярдәм итү өчен булдырылган. Хәзер Ивановка мәктәбендә химия һәм биология яңа дәрәҗәдә укытылачак. Төп мәктәп өч күпфункцияле җайланма, дүрт ноутбук, робототехника, физика, химия, биология, экология, анатомия, нейротехнология һәм инженерлык системаларының программалаштырыла торган модельләре буенча цифрлы лабораторияләр алды.