Чаллыдан Алинә Хөснетдинова үз проектын тормышка ашыру өчен 1 млн сум күләмендә грант отты
«Таврида»да Россия һәм Беларусь иҗади яшьләре өчен «Союзное государство: искусство быть вместе» дип исемләнгән сигезенче белем бирү чарасы узды. Катнашучыларга дүрт арт-мәктәп: декоратив сәнгать, музей эше, шоу-технологияләр, академик сәнгать кысаларындагы уртак эш башкарырга кирәк иде. «Таврида.АРТ» «Мәгариф» илкүләм проектының «Россия яшьләре» федераль проектына керә һәм Яшьләр эшләре буенча федераль агентлык (Росмолодежь) ярдәмендә гамәлгә ашырыла.
Атна дәвамында катнашучылар сынлы сәнгать күргәзмәсе өчен эш башкардылар, музей-парк комплексларын үстерү концепциясен эшләделәр, "Таврида.АРТ" фестивале өчен 2025 елда ивент-форматлар уйлап таптылар һәм Россия һәм Беларусь мәдәниятләре бәйләнеше нокталарына нигезләнгән гамәли сәнгать коллекциясен эшләделәр.
Белем бирү программасы кысаларында шулай ук Росмолодежь конкурсы да узды. Җиңүчеләр үз проектларын гамәлгә ашыру өчен 1 500 000 сумга кадәр грант ала алалар. Татарстан Республикасын 11 кеше тәкъдим итте, ә грантлар конкурсында ике кеше катнаша. Чаллы дәүләт педагогика университетының 5 курс студенты Алина Хөснетдинова Росмолодежьдән грантка ия булган бердәнбер кеше. Барлыгы 3 млн. сумлык 4 җиңүче игълан ителде.