Баулы мәктәбе укучылары махсус хәрби орперация сугышчыларына яшелчә җибәрәчәкләр

2024 елның 17 сентябре, сишәмбе

Татарстанның Баулы районындагы Татар Томбарлы мәктәбе укучылары махсус хәрби операция зонасындагы солдатлар өчен яшелчә үстергәннәр. Балалар яшелчәләрне биология һәм география укытучысы Эмма Шарапова җитәкчелегендә үзләренең мәктәп яны участогында үстерәләр.

Укучыларның тырышлыгы белән мәктәп яны кишәрлегендә бик күп чәчәкләр, кәбестә, кишер, кызыл чөгендер һәм бәрәңге үстерелгән. Укытучы сүзләренә караганда, хәрбиләр өчен укучылар бәрәңге, кишер, кызыл чөгендер һәм кәбестә әзерләгән.