Автокүптөрле ярыш буенча Бөтенроссия беренчелеге 35 команданы берләштерде
16 сентябрьдә Чиләбедә “Юл хәрәкәте иминлеге” федераль проектын гамәлгә ашыру кысаларында “Куркынычсыз сыйфатлы юллар” илкүләм проектын гамәлгә ашыру кысаларында автокүптөрле ярыш буенча бөтенроссия беренчелеге ачылачак.
Ярыш 14 яшьтән 17 яшькә кадәрге 35 команданы берләштерәчәк. Һәр командада 4 кеше. Алар команда һәм шәхси зачетларда ярышачак. Катнашучыларны Россия Федерациясе Мәгариф министры Сергей Кравцов сәламләде. Ул ассызыклаганча, соңгы елларда Россиядә яшүсмерләр автомобиль спорты актив үсеш ала: яңа секцияләр, берләшмәләр ачыла, ярышлар оештырыла.
Беренчелек 5 конкурс этабыннан тора. Балалар юл хәрәкәте кагыйдәләрен һәм беренче ярдәм күрсәтү нигезләрен, “В” категориясендә автомобиль йөртү осталыгын, шулай ук җиңел автомобильдә тәгәрмәчне алыштыру осталыгын күрсәтәчәкләр. Автокүптөрле ярыш буенча бөтенроссия беренчелеге җиңүчеләрен бүләкләү тантанасы 2024 елның 20 сентябрендә узачак.