Татарстаннан Дарья Ольденбург «Россия ел тәрбиячесе» бөтенроссия конкурсында катнаша

2024 елның 24 сентябре, сишәмбе

2024 елның 22 сентябреннән 5 октябренә кадәр Мәскәү өлкәсе Красногорск шәһәрендә «Россия ел тәрбиячесе» бөтенроссия һөнәри конкурсының йомгаклау этабы уза. Татарстаннан республика конкурсында җиңүче - Чаллы шәһәренең «Шаян» 128 нче балалар бакчасы тәрбиячесе Дарья Ольденбург.

Йомгаклау этабында катнашучыларга «Балалар белән педагогик чара», «Ата-аналар белән мәгариф чарасы» дигән конкурс сынаулары узарга туры киләчәк, аларның нәтиҗәләре буенча финалда катнашкан 15 лауреат билгеләнәчәк.