Россия Федерациясе Мәгариф министры Сергей Кравцовның Тәрбиячеләр көне белән котлавы
Мәктәпкәчә мәгариф оешмалары тәрбиячеләрен һәм хезмәткәрләрен һөнәри бәйрәмнәре белән котлыйм!
Безнең илдә үз тормышларын мәктәпкәчә белем бирү системасы белән бәйләгән белгечләрнең уникаль һөнәри бергәлеге булдырылды. Бүген анда 650 меңнән артык кеше кергән.
Илебез педагогикасының иң яхшы традицияләренә таянып һәм аңа заманча карарлар кертеп, сез илебезнең иң яшь гражданнарын тәрбиялисез һәм укытасыз, аларның талантларын ачасыз һәм алга таба үсеш өчен стимул бирәсез. Гаилә елында Россиядә мәктәпкәчә белем бирү системасы даими рәвештә үсә баруын билгеләп үтәргә кирәк. Балалар бакчалары төзелү дәвам итә, инфраструктура яңартыла, белем бирү программаларының эчтәлеге камилләштерелә. Киләсе елда балалар бакчалары капиталь ремонт ясау программасы кертеләчәк.