Яр Чаллыдан Мария Ерофеева Татарстанның ел укытучысы булды
Яр Чаллының 35 нче мәктәбенең рус теле һәм әдәбияты укытучысы Мария Ерофеева Татарстанда «Россиянең ел укытучысы- 2025» Бөтенроссия конкурсының республика этабында җиңүче булды. Бүләкләү тантанасы бүген Казанда “Әкият” балалар үзәгендә узды.
"Бу бик көтелмәгән һәм бик җаваплы, чөнки хәзер миңа үз мәктәбемне генә түгел, үз шәһәремне генә түгел, туган республикамны якларга туры киләчәк. Мин бик шатланам, ләкин бераз дулкынланам да ", - дип белдерде "Татарстан ел укытучысы -2025".
Ерофеева һөнәре буенча инде алты ел эшләве, ә укытучы булу балачактан ук хыяллануы турында сөйләде.
Төбәк этабында 29 муниципаль берәмлектән 40 педагог катнашты. Алардан конкурс сынауларыннан соң жюри 15 иң яхшы педагогны билгеләде, алар мактаулы исем өчен көрәшне дәвам итте.