Лениногорск районыннан Виктория Цыганова Татарстанның ел тәрбиячесе

2025 елның 21 марты, җомга

«Татарстанның ел тәрбиячесе - 2025» республика һөнәри конкурсында Лениногорск районының 10 нчы балалар бакчасы педагогы Виктория Цыганова җиңүче булды. Бүләкләү тантанасы Казанда “Әкият” балалар үзәгендә узды.

«Ел тәрбиячесе» республика конкурсы - шул ук исемдәге һөнәри осталык бөтенроссия конкурсының төбәк этабы.

Анда тәрбиячеләр, музыка җитәкчеләре, физкультура инструкторлары, педагог-психологлар, укытучы-логопедлар катнаша.

Быел Цыганова Татарстанны бөтенроссия конкурсында яклаячак. Җиңүчегә бүләкне ТР Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Ирина Терентьева тапшырды.