Каникул көннәрендә Әлмәттә мәктәп яны лагерьларында МХОда булучылар гаиләсеннән 78 бала ял итәчәк

2025 елның 24 марты, дүшәмбе

Язгы каникул көннәрендә, 23 марттан 31 мартка кадәр, Әлмәттә мәктәп яны лагерьлары ачылачак, анда 1250 укучы ял итә алачак. Алар арасында - 78 бала мобилизацияләнгәннәр гаиләсеннән.

Балаларны мавыктыргыч чаралар: спорт ярышлары, иҗат остаханәләре, танып белү экскурсияләре һәм квестлар көтә. Биредә һәркем күңеленә хуш килерлек шөгыль табачак.

Мәктәп лагерьларыннан тыш, 48 мәктәп базасында каникул көннәрендә "Мәктәп - ачык кунакханә" проекты эшләячәк. Ул аралашу һәм яңа ачышлар өчен мәйданчык булачак.