«Без бергә» балалар халык иҗаты республика фестиваленең зона этаплары башланды
Татарстанда «Без бергә» балалар халык иҗаты республика фестиваленең зона этаплары башланды. Конкурсны беренчеләрдән булып Арча һәм Сарман районнары ачып җибәрде. Чарада Арча, Биектау, Лаеш, Питрәч, Балык Бистәсе, Лениногорск, Азнакай, Зәй, Бөгелмә, Әлмәт, Ютазы, Түбән Кама, Баулы һәм Сарман районнарыннан 8 яшьтән 17 яшькә кадәрге 1100дән артык белем бирү оешмасы катнашты.
Конкурс халык иҗаты, балаларның, шул исәптән сәламәтлеге мөмкинлекләре чикләнгән балаларның, аларның этномәдәни мирас кыйммәтләренә тартылуын ачыклау, үстерү һәм аларга ярдәм итү максатларында уздырыла.
Фестивальнең зона этабы Татарстанның җиде муниципаль берәмлегендә узачак - Арча, Сарман, Әтнә, Яңа Чишмә, Чүпрәле, Менделеевск районнарында һәм Казан шәһәрендә - 11 апрельдән 30 майга кадәр.
«Без бергә» халык иҗаты республика балалар фестивале бу елның ноябрендә зур гала-концерт һәм декоратив-гамәли иҗат күргәзмәсе белән тәмамланачак.