"Җиңү поезды" ТРның алты станциясендә тукталыш ясаячак

2025 елның 16 апреле, чәршәмбе

Бөек Ватан сугышында Җиңүнең 80 еллыгы бәйрәме уңаеннан Горький тимер юлында "Җиңү поезды" оештырылган. Татарстанда ул алты станциядә туктаячак, шул исәптән Казанга - 30 апрельдә иртәнге сәгать 9 да килеп җитәчәк. Бу хакта Горький тимер юллары матбугат хезмәте хәбәр итә.

Татарстанда беренче тукталыш "Яшел Үзән" станциясендә булачак, анда состав 28 апрельдә 8:05 сәгатьтә киләчәк. Ә инде 29 апрельдә 8:45 сәгатьтә "Җиңү поезды" "Бурундуки" станциясендә, 10:20дә - "Буа" станциясендә тукталачак.

Казанда 30 апрельдә ул бер сәгать тора һәм 13: 25 тә "Шәмәрдән" станциясендә булачак. 1 майда 8:15 тә поезд "Әгерҗе-1" станциясенә килеп җитәчәк.