"ЕГЭ-это про100" марафонының бишенче сезонын тарихка багышланган эфир ачты
21 апрельдә Рособрнадзорның "ЕГЭ – это про100!" онлайн-марафонының бишенче сезоны старт алды. Консультацияләр сериясен тарихка багышланган эфир ачты. Анда Рязаньның 16 нчы мәктәбенең тарих укытучысы, югары квалификация категориясе укытучысы, Рязань өлкәсе тарихы буенча БДИны тикшерү комиссиясе рәисе Ирина Кондратьева, Мәскәүнең 1874 нче мәктәбенең тарих укытучысы Ольга Катаева, шулай ук БДИ тапшыру өчен тарихны сайлаган чыгарылыш укучылары катнашты.
Ирина Кондратьева тарих буенча имтиханның җитди әзерлек таләп итүенә игътибар итте: имтихан биремнәрен Россия тарихының һәм бөтендөнья тарихының төп вакыйгаларын белмичә башкару мөмкин түгел.
Ольга Катаева чыгарылыш укучыларына үткәннәрне кабатлау белән шөгыльләнергә киңәш итте: тарихи вакыйгаларны һәм этапларны искә төшерергә, хәзерге заман тарихы чорына игътибар бирергә кирәклеген искәртте.
Марафон 21-25 апрель көннәрендә узачак. Трансляцияләр Рособрнадзорның "ВКонтакте" социаль челтәрендәге рәсми бергәлегендә һәм Rutube каналында булачак.