"ЕГЭ-это про100" онлайн-марафоны физикага багышланган эфирны дәвам итте
Рособрнадзорның "ЕГЭ-это про100" онлайн-марафонының икенче көнен физика буенча имтиханга багышланган эфир тәмамлады. Онлайн-консультациядә техник фәннәр кандидаты, физика буенча БДИның контроль үлчәү материалларын эшләү комиссиясе әгъзасы, Мәскәү авиация институтының "Радиофизика, антенна һәм микродулкынлы техника" кафедрасы доценты Антон Гиголо, 1874 нче Мәскәү мәктәбенең физика укытучысы Татьяна Балебанова, шулай ук әлеге имтиханга әзерләнүче чыгарылыш сыйныф укучылары катнашты.
Татьяна Балебанова имтиханга сыйфатлы әзерлек өчен күп кенә файдалы ресурслар булуын искәртте: бу - федераль педагогик үлчәүләр институты сайтында (ФИПИ) биремнәрнең ачык банкы, ул даими рәвештә яңа материаллар белән тулылана, шулай ук ФИПИ сайтында урнаштырылган әйдәп баручы мәктәп педагоглары һәм югары уку йортлары укытучыларыннан видеолекцияләр һәм файдалы материаллар.
"ЕГЭ-это про100" онлайн-марафоны 25 апрельгә кадәр дәвам итәчәк. 23 апрельдә география, чит тел һәм информатика буенча БДИ багышланган эфирлар узачак. Трансляцияләр Рособрнадзорның "ВКонтакте" социаль челтәрендәге рәсми бергәлегендә һәм Rutube каналында булачак.