Казанда хезмәт (технологияләр) буенча Бөтенроссия олимпиадасының йомгаклау этабына йомгак ясалды
Татарстан Республикасында хезмәт (технологияләр) буенча Бөтенроссия олимпиадасының йомгаклау этабына йомгак ясадылар, анда Россия Федерациясенең 77 субъектыннан 768 кеше катнашты. Ярыш финалы дүрт профиль буенча узды: «Техника, технология һәм техник иҗат», «Йорт, дизайн һәм технологияләр мәдәнияте», «Робототехника», «Мәгълүмати иминлек». 64 җиңүче һәм 260 олимпиада призеры дипломнар алды.
Иң яхшы нәтиҗәләрне Мәскәү, Татарстан Республикасы, Мәскәү өлкәсе, Санкт-Петербург, Ямал-Ненец автономияле округы командалары күрсәтте.
Олимпиаданың барлык профильләре өчен өч тур каралган иде: теоретик, гамәли, тәкъдим итү һәм проектны яклау.
"Бу юнәлеш белән кызыксынсан барлык укытучыларга һәм шундый зур эш башкарган жюрига аерым рәхмәт белдерәсем килә. Ышанам ки, республикабыз турында, оештыручыларыбыз, безнең кешеләр турында истәлекләр, тәэсирләр хәтерегездә калыр, - диде финалистларны Татарстан Республикасы мәгариф һәм фән министры урынбасары Рәмис Мөҗипов.
Олимпиадада катнашучылар буш вакытларында Казан, Зөя каласы һәм Иннополис белән таныштылар, Г.Камал исемендәге Татар дәүләт академия театрында булып, анда “Өйгә Җиңү белән” спектаклек карадылар, шулай ук Җиңүнең 80 еллыгына багышланган фәнни-агарту лекциясендә булдылар.
Аларны озатып йөрүчеләр өчен өстәмә рәвештә Зәңгәр күлгә , агросәнәгать паркына экскурсия һәм Казан соборына бару оештырылды.