Балтач укучылары табигатьнең яшь саклаучылары сафына керделәр
Балтач гимназиясендә мәктәп укучыларын юннатлар хәрәкәте сафларына кертү тантанасы булды.
Балалар алдында Татарстан Республикасы Экология министрлыгының Төньяк идарәсе инспекторлары һәм “Балтач” дәүләти табигый тыюлыгы хезмәткәрләре чыгыш ясады.
Шуннан соң яшь табигать сакчылары ант иттеләр һәм рәсми рәвештә экологик хәрәкәткә керделәр.
Укучылар туган якның матурлыгына багышлап фотокүргәзмә әзерләделәр һәм экологик тематикага эшләнмәләр күрсәттеләр. Хәзер балалар әйләнә-тирә мохитне саклау һәм яклау буенча эш алып барачак.
Хәрәкәт актив үсеш ала һәм бөтен ил буйлап меңләгән балаларны берләштерә. Татарстанда аңа 2,5 меңнән артык бала кушылды инде. Бу үсеп килүче буында әйләнә-тирә мохиткә җаваплы мөнәсәбәт формалаштырырга ярдәм итә һәм «Экологик иминлек» илкүләм проекты бурычларына туры килә.