Казанга «Җиңү поезды» мемориаль составы киләчәк
Татарстан башкаласына иртәгә, 30 апрельдә, 9:00 сәгатьтә "Казан-1" станциясе перронына ЛВ-165 сериясенең легендар паровозы - "Җиңү поезды" мемориаль составы, шулай ук хәрби техниканың күргәзмә үрнәкләре булган алты платформа, кыр кухнясы һәм сугыш еллары интерьеры булган тематик композиция вагоны киләчәк.
Казаннан соң состав "Шәмәрдән" станциясенә китәчәк. "Әгерҗе-1" станциясе Татарстанда соңгы нокта булачак, анда состав 1 майда 8:15 тә тукталачак, дип хәбәр иттеләр Горький тимер юллары матбугат хезмәтендә.
"Җиңү поезды" мемориаль составы 23 апрельдә Түбән Новгородтан кузгалып китте. Барлыгы маршрутта 45 станция исәпләнә, шул исәптән алтысы Татарстанда. Алдагы көндә республикада беренче тукталыш "Яшел Үзән" станциясе булды. Бүген "Җиңү поезды" "Борындык" һәм "Буа" станцияләренә тукталды.