Татарстан кадетлары Мәскәүдә Җиңү Парадының генераль репетициясендә булды
2025 елның 6-7 маенда биш округның кадет корпусы (Башкорт, Татарстан, Удмурт, Чуаш һәм Түбән Новгород) тәрбияләнүчеләрен яхшы укулары, олимпиадаларда һәм спорт ярышларында призлы урыннар алулары, шулай ук махсус һәм хәрби әзерлектә уңышлары өчен бүләкләү сыйфатында Мәскәүгә килделәр. Башкалага сәфәрне оештыручы Россия Президентының Идел буе федераль округындагы вәкаләтле вәкиле Игорь Комаров. Татарстан Республикасыннан Мәскәүгә «Советлар Союзы Герое Гани Сафиуллин исемендәге Идел буе федераль округының Татарстан кадет корпусы» ның 9-10 сыйныф кадетлары бардылар.
Экскурсия программасы кысаларында кадетлар РФ Кораллы Көчләренең "Патриот" Хәрби-патриотик мәдәният һәм ял паркында булдылар.
Мәскәүгә сәфәренең кульминациясе Җиңү Парадының генераль репетициясе булды, ул 7 майда Мәскәү вакыты белән сәгать 10да узды.