Аксубай укучылары табигатьнең яшь яклаучылары сафында

2025 елның 12 мае, дүшәмбе

Аксубай районының 3 нче мәктәбендә икенче сыйныф укучыларын яшь натуралистлар сафына багышлау тантанасы булды.

Бәйрәм чарасы “Табигать дөньясында” исемле мавыктыргыч квест формасында узды, анда балалар уен формасында экология һәм әйләнә-тирә мохитне саклау нигезләре белән таныштылар.

Экология хәрәкәтендә яңа катнашучылар белән Татарстан Республикасы Экология министрлыгының Идел-Кама идарәсе вәкилләре очрашты. Алар балаларга үз һөнәрләре, табигатькә аңлы мөнәсәбәтнең мөһимлеге, ресурслардан дөрес файдалану зарурлыгы һ.б.лар турында сөйләделәр.