«Беренчеләр хәрәкәте» Татарстанның балалар лагерьларында 100 дән артык тематик смена уздырачак
Җәен “Беренчеләр хәрәкәте” Татарстан лагерьларында 100 дән артык тематик һәм профильле смена үткәрәчәк.
Шулай ук 4-10 августта Татарстанда хәрәкәтнең иң масштаблы форумы - "Биләр Форум: Беренчеләр" узачак. Ул бөтен республикадан 1 меңгә якын катнашучы җыячак һәм Алексеевск районындагы палатка лагеренда узачак.
"Безнең ишегалды уеннары" проекты кысаларында ишегалды активлыгы планлаштырыла. Эш көннәрендә балалар өчен проект кысаларында ишегалларында вожатыйлар күзәтүе астында күңел ачу чаралары уздырыла.
Татарстанда барлык лагерьларда да шулай ук "Хәрәкәт көне" дә планлаштырылган.
2022 елның җәендә хәрәкәтне оештыру турындагы Указны Россия Президенты Владимир Путин имзалады. "Беренчеләр хәрәкәте" бөтенроссия оешмасының Татарстан бүлеген республиканың элеккеге яшьләр министрлыгы башлыгы Тимур Сөләйманов җитәкли. "Беренчеләр хәрәкәте" белән хезмәттәшлектә эшләячәк Республика координация советын төзү турындагы Указны 2023 елның 14 февралендә Татарстан Республикасы Рәисе Рөстәм Миңнеханов имзалады.