Бөтенроссия олимпиадасының 220 җиңүчесе Ozon стипендиясен алачак
Ozon Бөтенроссия олимпиадасының йомгаклау этабының (ВсОШ) партнёры һәм ул җиңүчеләргә ярдәм итәчәк. Маркетплейс олимпиадада җиңгән һәм быел югары уку йортына керәчәк 11 сыйныф укучыларына стипендия бирәчәк. Һәр студент беренче уку елында 135 мең сум алачак. Стипендиянең айлык күләме - 15 мең сум, түләүләр бу елның октябрендә старт ала.
Иң күп балл җыйган 220 унберенче сыйныф укучысы Ozonның стипендия ияләре булды. Шуларның 94 е Мәскәүдән, 37се Мәскәү өлкәсеннән, 22се Санкт-Петербургтан, 17се Татарстаннан, 6сы Чуваш республикасыннан һәм 4се Краснодар краеннан.
Ozonның укыту һәм үстерү буенча директоры, Ozon корпоратив университеты директоры Елизавета Князева әйтүенчә: «Без яшьләргә сыйфатлы югары белем алуда ярдәм итәбез. Мәктәп укучылары һәм студентлар - безнең киләчәгебез, еш кына нәкъ менә алар инновацияләр тудыра һәм илгә яңа идеяләр бирә. Безнең стипендия укучыларга югары уку йортында белем алуның беренче елында - үз талантларын тормышка ашыруга игътибарны юнәлтергә ярдәм итәр дип өметләнәбез».