Педагогика көллиятләре белән эшләү буенча бөтенроссия проекты старт алды
16 майда педагогика көллиятләре белән эшләү буенча бөтенроссия проектының беренче чарасы узды. Проектның инициаторы һәм оештыручысы - Россия Мәгариф министрлыгы ярдәмендә һөнәри белем бирүне үстерү институты.
Россия Мәгариф һәм фән министрлыгының урта һөнәри белем бирү һәм һөнәри белем бирү өлкәсендә дәүләт сәясәте департаменты директоры Виктор Неумывакин педагогик көллиятләрнең мәктәпләрне һәм балалар бакчаларын квалификацияле белгечләр белән тәэмин итүдә мөһим роль уйнавын искәртте.
Ул хәбәр иткәнчә, бүгенге көндә Россия мәгариф системасында 2,3 миллионнан артык педагогик хезмәткәр эшли.
Ул ассызыклаганча, педкадрларны әзерләү системасын камилләштерү буенча максатчан эш алып барыла. Быел «нигездә гомуми белем бирү» дигән яңа белгечлек кертелде, ул укытучыларны «Хезмәт (технология)» һәм «Иминлек нигезләре һәм Ватанны саклау » предметлары буенча әзерләргә мөмкинлек бирәчәк.Студентларны гамәли әзерләүгә аерым игътибар бирелә һәм бу чыгарылыш укучыларының мәгариф оешмаларында реаль хезмәт шартларына әзерлеген тәэмин итә.