Казанның 4 меңнән артык яшь спортчысы «Күн туп» бөтенроссия ярышларында катнашачак

2025 елның 20 мае, сишәмбе

Казанда яшь футболчыларның "Күн туп" бөтенроссия ярышларының шәһәр этабы старт ала. Анда 4 меңнән артык спортчы катнашыр дип көтелә. Ярышларны ачу тантанасы 20 майда «Мирас» стадионында узачак. Бу хакта бүген шәһәр башкарма комитетының эшлекле дүшәмбесендә физик культура һәм спорт комитеты рәисе Линар Гарипов сөйләде.

Казан башкарма комитеты җитәкчесе Рөстәм Гафаров яшь спортчылар өчен мондый ярышлар спорт карьерасын башлау өчен бик яхшы мөмкинлек, дип ассызыклады.

Ярышлар ачылу көнендә яшь футболчыларга ярдәм итәргә Казанның Рубин йолдызлары киләчәк. Ярышлар бер атна дәвам итәчәк.