«Без бергә» республика балалар халык иҗаты фестиваленең зона этаплары тәмамланды
15, 16 һәм 17 майда Казанда, Чүпрәле, Менделеевск муниципаль районнарында «Без бергә» балалар халык иҗаты республика фестиваленең зона этаплары узды.
Чарада Яшел Үзән, Чүпрәле, Апас, Кама Тамагы, Кайбыч, Тәтеш, Буа, Югары Ослан, Менделеевск, Әгерҗе, Актаныш, Тукай, Алабуга, Мөслим, Минзәлә, Чаллы һәм Казан шәһәрләреннән 1350дән артык белем бирү оешмасы катнаша.
Конкурс сынаулары кысаларында халык вокалы, халык вокаль ансамбле, хореография, халык инструменталь ансамбле, сәнгати уку һәм театр иҗаты кебек номинацияләр тәкъдим ителде. Шулай ук махсус номинацияләр: «иҗади гаилә», «иң яхшы күргәзмә экспозициясе» (регионның муниципаль берәмлекләре арасында) һәм «осталар династиясе» (декоратив-гамәли иҗатның конкурс-күргәзмәсе).
Быел ноябрь аенда «Без бергә» халык иҗаты республика балалар фестивале зур гала-концерт һәм декоратив-гамәли иҗат күргәзмәсе белән тәмамланачак.