«Артек» юбилей елында Россия һәм чит илләрдән 50 мең бала кабул итәчәк
2025 елның июнендә «Артек» Халыкара балалар үзәге 100 еллыгын билгеләп үтә. 23 майда юбилей чараларына багышланган матбугат конференциясе узды. Анда РФ мәгариф министры урынбасары Ольга Колударова, "Артек" МДЦ директоры Константин Федоренко, "Илкүләм приоритетлар" АНО генераль директоры София Малявина, "Россия" Милли үзәге генераль директоры урынбасары Анастасия Звягина, шулай ук "Содружество" фонды рәисе һәм "Артек сквозь столетия" фильмының продюсеры Армен Ананикян катнашты.
Ольга Колударова 3 июньдә Җиңү музеенда «Артек: 100 ел бәхетле балачак» күргәзмәсе ачылуы турында сөйләде. Ул лагерьның балалар хәрәкәте һәм халыкара балалар дипломатиясе үсешенә керткән өлешен, аның яңа буын тәрбияләүдәге ролен яктыртачак. 9 июньдә ГУМда «Столетие Артека» күргәзмәсен ачу тантанасы узачак.
Ул шулай ук 2025 елда "Артек" делегациясе Үзбәкстан, Таҗикстан, Кыргызстанда булды һәм Көньяк Осетия, Мисыр, Берләшкән Гарәп Әмирлекләре, Әрмәнстан һәм башка илләрдә "Артек" презентациясен уздырырга планлаштыруын өстәде.
"Артек" директоры Константин Федоренко Россия Мәгариф һәм фән министрлыгына балалар лагерен юбилейга әзерләүдә ярдәм иткәне өчен рәхмәт белдерде һәм 6 нчы юбилей сменасының төп вакыйгалары турында сөйләде.