Бүген Татарстан чыгарылыш сыйныф укучылары математика буенча мәҗбүри БДИ тапшыралар
27 майда унберенче сыйныф укучылары өчен профильле дәрәҗәдәге математика һәм база дәрәҗәсендәге математика буенча бердәм дәүләт имтиханы уздырыла.
Профильле яки база дәрәҗәсендәге математика урта гомуми белем турында аттестат алу өчен мәҗбүри имтихан булып тора. Профильле дәрәҗәдәге математика буенча аттестат алу өчен минималь бусага - 27 балл, база дәрәҗәсендәге математика буенча - 3.
Профильле дәрәҗәдәге математика имтиханын 8577 укучы тапшырачак, база дәрәҗәсе математикасы буенча - 6555 укучы, шул исәптән - сәламәтлек мөмкинлекләре чикләнгән 248 кеше.
БДИ уздыруга 107 пункт оештырылган, шул исәптән - гомуми белем бирү оешмалары базасында 84 ПЭ һәм өйдә 23 ПЭ. 1406 аудитория билгеләнгән.
БДИ эшендә 5522 педагогик хезмәткәр катнашачак. БДИ аудиторияләрендә онлайн-видеокүзәтү оештырылган.
Имтихан 10.00 сәгатьтә башлана.
Профильле дәрәҗәдәге математика буенча БДИ озынлыгы 3 сәгать 55 минут, база дәрәҗәсендә - 3 сәгать.
Сәламәтлек мөмкинлекләре чикләнгән укучылар өчен профильле дәрәҗәдәге математика буенча БДИ дәвамлылыгы 5 сәгать 25 минут тәшкил итә, база дәрәҗәсе - 4 сәгать 30 минут.
Нәтиҗәләрне имтиханнарда катнашучылар 11 июньдә үз мәктәбендә яки Рособрнадзорның рәсми сайтында "ГИА" https://checkege.rustest.ru/ бүлегендә белә алачак.
Киләсе мәҗбүри имтихан (рус теленнән БДИ) 30 майда үткәреләчәк.