Арчада спорт туризмы буенча республика ярышлары узды
Арча шәһәре стадионында Татарстан укучылары арасында су дистанцияләрендә спорт туризмы буенча республика ярышлары һәм Татарстан укучылары арасында IX Туриада (Спартакиада) исәбендә спорт туризмы буенча республика ярышлары узды.
Чараны оештыручылар: Республика мәктәптән тыш эш үзәге, Арча районы мәктәп укучылары сарае, Балалар һәм яшүсмерләр туризмы йорты һәм Казанның Яңа Савин районы «Простор» экскурсияләре, Казанның Мәскәү районы Балалар һәм яшүсмерләр туризмы йорты.
Тантаналы чарада Арча районы мәгариф идарәсе җитәкчесе урынбасары Алия Камаева һәм Республика мәктәптән тыш эш үзәге директоры Александр Жаринов катнашты.
Чарада Казан, Арча, Әгерҗе, Бөгелмә, Яшел Үзән, Тәтеш, Алексеевск, Лаеш һәм Кукмара районнарыннан делегация составында 135 укучы катнашты.
Җиңүчеләр һәм призерлар кубок, медаль һәм дипломнар белән бүләкләнде.