Бөтенроссия иншалар конкурсы башланды
30 сентябрьгә кадәр мәктәп укучылары һәм урта һөнәри белем бирү учреждениеләре студентлары Бөтенроссия иншалар конкурсының төбәк этабында катнаша ала. Балалар 14 тематик юнәлешнең берсе буенча эш әзерләргә тиеш.
Конкурста биш яшь төркеме катнаша ала:
4 нче һәм 5 нче сыйныф укучылары;
6 нчы һәм 7 нче сыйныф укучылары;
8нче һәм 9 нчы сыйныф укучылары;
10-11 сыйныф укучылары;
Көллият һәм техникум студентлары.
Бәяләү критерийлары арасында - оригинальлек, сайланган тематик юнәлешкә теманың туры килүе, теманы тулысынча ачу , авторлык позициясен чагылдыру, әдәби, тарихи, биографик һәм фәнни материалны корректлы файдалану.
Һәр катнашучы бер инша тәкъдим итә ала. Эш күләме регламентлаштырылмаган.
Ярышның федераль этабы 13 октябрьдән 28 ноябрьгә кадәр узачак.
Ярыш турында тулырак мәгълүматны сайтта белергә мөмкин.
Ярышны РФ Мәгариф министрлыгы оештыра.