Россия Федерациясе Мәгариф министры Сергей Кравцовның Балаларны яклау көне белән котлавы
Кадерле дуслар!
Сезне Халыкара балаларны яклау көне белән чын күңелдән котлыйм. Россиядә миллионлаган бала яши һәм безнең бурыч - аларга үз талантларын ачарга, сыйфатлы белем алырга, үз хыялларын тормышка ашырырга һәм барлык башлангычларында уңышларга ирешергә ярдәм итү.
Быел балалар ялына аерым игътибар бирәбез: 2025нче ел мәгариф системасында балалар ялы елы дип игълан ителде. Без аны максималь дәрәҗәдә бай, кызыклы һәм һәр бала өчен файдалы итәргә омтылабыз. Ә балачакның төп символларының берсе, «Артек» Халыкара балалар үзәге, быел 100 еллык юбилеен билгеләп үтә. Бер гасырлык тарихында ул балачак иле, хыяллар һәм дуслык тудыручы урын булды.
Балаларны яклау көне - аеруча мохтаҗ кешеләрне җылылык һәм кайгырту белән әйләндереп алу өчен сәбәп тә. Һәр балага ярдәм итү, аңа үз-үзенә һәм үз көченә ышанырга ярдәм итү мөһим.
Балалар белән эшләүчеләр : педагоглар, тәрбиячеләр, остазлар, волонтерлар һәм хәйриячеләр сезнең барыгызга да рәхмәт белдерәм. Сезнең хезмәтегез бәяләп бетергесез! Сезгә сәламәтлек, сабырлык, күтәренке кәеф телим, балалар белән үткәргән һәр көнегез шатлыклы булсын!
Мәгариф министры Сергей Кравцов