Дмитрий Чернышенко, Сергей Кравцов һәм Глеб Никитин Түбән Новгородта БДИ уздыру пунктларының берсенең эшен бәяләделәр
2025 елның 30 маенда Россия Федерациясе Хөкүмәте Рәисе урынбасары Дмитрий Чернышенко, Россия мәгариф министры Сергей Кравцов һәм Түбән Новгород өлкәсе губернаторы Глеб Никитин дәүләт йомгаклау аттестациясен уздыру процессын оештыруны бәяләделәр. Алар Түбән Новгородның Автозавод районындагы 111 нче мәктәптә урнашкан БДИ уздыру пунктларының берсендә булдылар.
10:00 дә мәктәптә 200 дән артык бала өчен рус теленнән имтихан башланды. Процессны оештыруга 16 белгеч җәлеп ителде, шул исәптән 13 иҗтимагый күзәтүче.
Визит барышында Дмитрий Чернышенко, Сергей Кравцов һәм Глеб Никитин сак пунктының ничек эшләвен һәм имтихан уздыру пунктында куркынычсызлык чаралары ничек тәэмин ителүен бәяләделәр, шулай ук төрле төбәкләрдән трансляцияне карадылар.
Мәктәптә шулай ук имтихан үткәрү пункты штабында эшнең ничек оештырылуын күрсәттеләр - бу телефон элемтәсе, интернет, махсус программа тәэмин ителеше һәм мәгълүматны саклау чаралары, сканерлар һәм принтерлар белән җиһазландырылган махсус бина. Нәкъ менә биредә БДИ бланклары урнашкан һәм имтиханнарда катнашучылар өчен контроль-үлчәү материаллары әзерләнә.