Дмитрий Чернышенко: «Артек» - Россиядә һәм бөтен дөньяда балалар ялы сыйфаты эталоны
«Россия» Милли үзәгендә «Артек» Халыкара балалар үзәгенең йөз еллыгына багышланган бәйрәм концерты узды. Катнашучыларны Россия Хөкүмәте Рәисе урынбасары Дмитрий Чернышенко һәм РФ мәгариф министры Сергей Кравцов сәламләде.
Вице-премьер билгеләп үткәнчә, бүген монда "Артек" ның йөзьеллыгына багышланган бәйрәм чаралары марафонына старт бирелгән.
Дмитрий Чернышенко билгеләп үткәнчә, Президент ракета җибәрүне, документаль фильмнар төшерүне, юбилей медальләре, истәлекле почта маркалары чыгаруны үз эченә алган бәйрәм чараларының масштаблы программасын әзерләргә оештыру комитеты булдырырга йөкләде. Ә тантаналарның кульминациясе- искиткеч финал чарасы булачак, ул 16 июньдә "Артеке" да узачак.
"Артек" юбилеена "Вожатый России" мактаулы билгесе булдырылды һәм тиздән шул ук исемдәге конкурс башланачак.
Дмитрий Чернышенко үсеп килүче буынны тәрбияләүгә һәм агартуга зур өлеш керткәне өчен "Вожатый России" күкрәк билгесен 1965-1966 елларда "Артек" та вожатый булган, Татарстан Республикасыннан РФ халык мәгарифе отличнигы Роза Яковлевна Шатырога тапшырды.
2025 елның 16 июнендә «Артек» Халыкара балалар үзәге 100 еллыгын билгеләп үтәчәк. Алдарак Дәүләт Думасында һәм Федерация Советында тематик фотокүргәзмәләр узды. РФ Президенты Владимир Путинның “Артек” коллективын Мактау ордены белән бүләкләү турындагы Указын бастыру мөһим вакыйга булды.