Укытучыларны һәм балалар лагерьлары вожатыйларын «Атом дәресе» бөтенроссия конкурсында катнашырга чакыралар
«Атом дәресе» бөтенроссия агарту конкурсының беренче этабы башланды. Анда җәйге сәламәтләндерү кампаниясендә катнашучы укытучылар һәм вожатыйлар чакырыла. Проект Россия Мәгариф министрлыгы һәм "Росатом" дәүләт корпорациясе ярдәмендә гамәлгә ашырыла.
Ярышның төп максаты - укытучыларны һәм тәрбияләнүчеләрне атом технологияләре дөньясы һәм атом фәненең алдынгы казанышлары белән таныштыру. "Атом дәресе" безнең илдә инде алтынчы тапкыр уздырыла һәм 2025 елда анда беренче тапкыр балалар җәйге лагерьларының педагогик хезмәткәрләре чакырыла.
«Атом дәресе»н теләсә кайсы педагог яки вожатый уздыра ала. Катнашу шартлары проект сайтында.
Җәйге савыктыру кампаниясенең 5 иң якты «Атом дәресләре» авторлары «Атом дәресе» бөтенроссия агарту конкурсы лауреатлары булачак һәм 2025 елның декабрендә «АТОМ» музеенда (Мәскәү шәһәре) узачак бүләкләү тантанасына чакырылачак.
Конкурс сынауларының икенче этабы гадәттәгечә 1 сентябрьдән 31 октябрьгә кадәр узачак. Анда мәктәп укытучылары, өстәмә белем бирү педагоглары, шулай ук урта һөнәри белем бирү оешмалары укытучылары катнаша ала.