Түбән Камада 4 меңнән артык укучы белем алуны дәвам итә алачак

2025 елның 9 июне, дүшәмбе

2024/2025 уку елында кабул итү кампаниясе барышында Түбән Камада булачак студентларны 4 меңнән артык урын көтә. Бу хакта эшлекле дүшәмбедә Түбән Кама районының мәгариф идарәсе җитәкчесе Айдар Гарифуллин хәбәр итте.

Гомуми сан - 4 158 урын, шуларның 1 960 ы урта һөнәри белем бирү учреждениеләрендә бушлай укытуга бирелгән. Аларның 50 се генә унберенче сыйныф укучылары өчен билгеләнгән, ә күпчелеге - 1 910 урын  9 нчы сыйныф укучыларына исәпләнгән.

Моннан тыш, бюджеттан тыш 1 480 урын каралган - шулай ук  алар да башлыча тугызынчы сыйныф укучылары өчен (722 урын). Югары белем бирү системасы шәһәрдә урнашкан югары уку йортларында 291 бюджет урыны тәкъдим итә.