КФУ ЛХР укучылары өчен һөнәри юнәлеш сменалары үткәрә
Татарстанда Россиянең яңа төбәкләрендә яшәүчеләргә ярдәм итү дәвам итә. Яшьләр өчен мәгариф проектларын үстерү бу эшнең бер юнәлеше булды.
3 июльдән 15 июльгә кадәр КФУ Алабуга институтының “Буревестник” спорт-савыктыру лагере базасында Луганск Халык Республикасының 98 укучысы өчен смена уза. Алар составына Стаханов, Первомайск, Брянка һәм Кировск шәһәрләреннән, шулай ук озата баручы җиде педагог керде.
Проект профориентациягә генә түгел, Татарстан белән мәдәни танышуга да юнәлтелгән. Укучылар дәресләрдә, мастер-классларда, экскурсияләрдә һәм иҗади чараларда катнашалар. Алар белән КФУ укытучылары һәм өлкән курс студентлары да эшли.
Сменаның рәсми ачылышы 5 июльдә булыр дип көтелә.
Программа РФ Фән һәм югары белем министрлыгы, РФ Мәгариф министрлыгы тарафыннан Россия яшьләре һәм "Беренчеләр хәрәкәте" белән берлектә тормышка ашырыла.