Экспертлар 2025 елның «Абилимпикс» илкүләм чемпионатына әзерлек турында фикер алыштылар
2025 елның «Абилимпикс» чемпионатының эш төркеме утырышында чемпионатның төп параметрлары тикшерелде, ул 2025 елның 30 октябреннән 2 ноябренә кадәр Мәскәүдә узачак. Чарада Россия Мәгариф министрлыгы һәм аның карамагындагы оешмасы - Һөнәри белем бирүне үстерү институты вәкилләре катнашты.
2025 елда инвалидлар һәм сәламәтлек мөмкинлекләре чикләнгән затлар арасында һөнәри осталык буенча илкүләм чемпионатның төп мәйданчыгы «Тимирязев Центр» укыту-күргәзмә комплексы булачак. «Слесарное дело» һәм «Токарные работы на станках с ЧПУ» компетенцияләре буенча ярышлар өстәмә мәйданчыкта , П.А. Овчинников исемендәге политехник көллияттә узачак.
Чемпионатның 50 төп компетенциясе юнәлешләрнең киң спектрын колачлый - IT-технологияләрдән алып сәнәгать дизайнына кадәр. 2025 елда чемпионатта 12 презентация компетенциясе күрсәтеләчәк, алар арасында «Агроботлар», «Югары кухня остасы», «Техник-протезист» һәм башкалар. Дустанә илләр вәкилләре сигез компетенциядә катнаша ала.
Россия Мәгариф министрлыгы хезмәткәрләреннән тыш, эш төркеме утырышында Россия Саннар министрлыгы, Россия Сәламәтлек саклау министрлыгы һәм Россия Спорт министрлыгы, «Россия - мөмкинлекләр иле» АНО, «Милли приоритетлар» АНО, «Знание» Россия җәмгыяте, «Ватанны саклаучылар» дәүләт фонды һәм башка экспертлар катнашты.