Ольга Васильева: Туган тел - әниең сөйләшкән тел, аны белергә кирәк

2025 елның 24 июле, пәнҗешәмбе

Һәр кеше үзенең туган телен - әти-әнисе сөйләшкән телне белергә тиеш. Мондый фикерне Казанда журналистлар белән әңгәмәдә Россия мәгариф академиясе президенты Ольга Васильева белдерде.

"Телләргә килгәндә, мин ышанам, туган тел - әниең сөйләгән тел. Һәм син әниеңнең телен белергә тиеш. Минем тирән ышанычым: анаң сөйләшкән  телне син белергә тиеш, - дип белдерде ул.

Аның бу позициясе һөнәри эшчәнлек белән бәйле түгел. "Бу фикерем галим, тарихчы, түрә буларак  түгел, ә кеше буларак", - дип ассызыклады ул.