Көллият укучыларын һәм студентларын «Соколиная охота» пилотсыз технологияләре буенча чемпионатта катнашырга чакыралар
"Соколиная охота" пилотсыз технологияләре буенча Бөтенроссия чемпионатына теркәлү ачылды. Ярышлар сентябрь башында И.Н. Ульянов исемендәге Ульяновск дәүләт педагогика университеты мәйданчыгында узачак. Мәктәп һәм көллият укучылары төрле технологик треклар кысаларында үз белемнәрен һәм күнекмәләрен тикшерә, пилотсыз авиациядә компетенцияләрен үстерә һәм инженер проектлау тәҗрибәсен ала алачак. Чемпионатны оештыручылар - Россия Федерациясе Мәгариф министрлыгы һәм Россия ДОСААФ, партнеры - Беренчеләр хәрәкәте.
Ярышта ике-өч кешедән торган мәктәп укучылары һәм урта һөнәри белем бирү учреждениеләре студентлары командалары катнаша ала. Моның өчен аларга 10 августка кадәр сайтта теркәлергә һәм ярышлар өчен трек сайларга кирәк. Сынаулар ике яшь категориясендә: 10 яшьтән 13 яшькә кадәр һәм 14 яшьтән 18 яшькә кадәр.
Финалистлар 200 гә якын кеше булачак. Ульяновск өлкәсендә алар өч көн дәвамында берничә трек буенча биремнәр башкарачак: «Доставка грузов», «Проектирование конструктора квадрокоптера», «Автономная мобильная платформа» һәм «Автономное прохождение лабиринта». Шулай ук катнашучыларны экспертлар лекцияләре һәм консультацияләре көтә.