Роспотребнадзор мәктәп сумкаларының авырлыгына һәм куркынычсызлыгына таләпләр турында искәртте
Буш сумканың авырлыгы башлангыч сыйныф укучылары өчен 700 граммнан һәм урта һәм өлкән яшьтәге укучылар өчен 1 кг дан артмаска тиеш. Бу хакта Роспотребнадзор мәгълүматлары буенча РИА Новости хәбәр итә,.
Белгечләр ассызыклаганча, сумкада яктылыкны кире кайтаручы элементлар булырга тиеш, бу тәүлекнең караңгы вакытында балаларның куркынычсызлыгы өчен.
Роспотребнадзорда шулай ук рус телендә маркировка кирәклегенә дә игътибар иткәннәр. Чит ил товарлары өчен латин хәрефләре белән җитештерүче ил һәм юридик адрес күрсәтү рөхсәт ителә, шул ук вакытта маркировкада кулланучының яшен һәм атамасын билгеләү турында белешмәләр булырга тиеш.
Балалар товарларының сыйфаты һәм иминлеге турында Бөтенроссия кайнар линиясе 4 сентябрьгә кадәр эшләячәк.
Территориаль органнар сайтларында телефон номерлары һәм консультация үзәкләренең адреслары урнаштырылган, ә тәүлек әйләнәсе 8 800 555 49 43 номеры буенча мөрәҗәгать итәргә мөмкин.