Түбән Камада химия дәресләрен ничек маҗарага әверелдерүне күрсәттеләр
«СИБУР.Полимерлар йорты» экспозициясе буенча экскурсия һәм балаларга белем бирүнең иң алдынгы һәм нәтиҗәле ысуллары турында фикер алышу: химия укытучылары Түбән Камага республика форумында җыелды. Оештыручылар укытучыларны нәрсә белән таң калдырды һәм нәрсәгә басым ясадылар, шул хакта “Татар-информ” материалында.
Оештыручылар мәгълүмат бирүнең гадилегенә һәм нәтиҗәлелегенә басым ясарга тырыштыла һәм укытучылар реакциясенә караганда, бу мөмкин булды. Мәсәлән, Ютазы районыннан химия укытучысы Регина Камалова материалны бирүнең бик җиңел башкарылуын билгеләде.
"Барысы да бик ачык. Шундый итеп сөйлиләр, тыңлыйсы гына килеп тора. Шул ук вакытта өлкәннәргә кызык, әмма бала да аңларлык итеп сөйлиләр ", - диде ул.
Камалов сүзләренчә, мондый экскурсияләр предприятие атмосферасына чумарга һәм үзләрен җитештерү хезмәткәрләренең берсе итеп тоярга мөмкинлек бирә.
Шулай да пленар сессиянең төп темасы балаларга белем бирүдә хәзерге вакытта актуаль булган мәгариф ысуллары һәм алымнары булды. Экспертлар сүзләренчә, соңгы елларда акцентлар мәгълүматны визуализацияләү ягына күчкән.