Россия Мәгариф министрлыгында мәктәп укучыларына йөкләнешне оптимальләштерү өчен тәкъдимнәр эшләнде
Белем бирү йөкләнешен оптимальләштерү өчен РФ Мәгариф министрлыгы 2025/26 уку елында 1-11 сыйныфлар өчен дәрес расписаниесе вариантларын эшләде. Һәр мәктәп расписание моделен бердәм федераль таләпләр кысаларында үз шартларына яраклаштыра алачак. Тәкъдимнәр Роспотребнадзор белән килештерелгән һәм РФ субъектларына җиткерелгән.
Федераль уку планы нигезендә һәм 5 көнлек яки 6 көнлек укуны исәпкә алып түбәндәгеләр эшләнде:
башлангыч гомуми белем дәрәҗәсе өчен расписаниеләрнең биш варианты (1-4 сыйныфлар);
төп гомуми белем бирү дәрәҗәсе өчен расписаниеләрнең алты варианты (5-9 нчы сыйныфлар);
урта гомуми белем бирү дәрәҗәсе өчен расписаниеләрнең 19 варианты (10-11 сыйныфлар).
Шунысын да билгеләп үтәргә кирәк, 1-11 сыйныф укучылары өчен беренче дәрестә «Мөһим сөйләшүләр» циклыннан дәресләр үткәрү каралган. Моннан тыш, пәнҗешәмбе көннәрендә 6-11 сыйныф укучылары өчен «Россия - минем офыклар» һөнәри юнәлеш курсы дәресләрен беренче дәрес итеп оештырырга тиеш.