Дмитрий Чернышенко һәм Сергей Кравцов төбәк мәгариф министрларының Бөтенроссия киңәшмәсен уздырды
Россия Хөкүмәте Рәисе урынбасары Дмитрий Чернышенко һәм РФ Мәгариф министры Сергей Кравцов Россия Федерациясе субъектларының мәгариф өлкәсендә дәүләт идарәсен гамәлгә ашыручы башкарма органнары җитәкчеләре белән Бөтенроссия киңәшмәсе үткәрде.
Чарада 2024/25 уку елына йомгак ясалды һәм яңа, 2025/26 уку елында мәгариф системасы алдында торган төп бурычлар билгеләнде.
Дмитрий Чернышенко педагогларга Президент Владимир Путин тарафыннан игълан ителгән Ватанны саклаучылар елының төп инициативаларын һәм чараларын гамәлгә ашырган өчен рәхмәт белдерде. Шулай ук ул Бөек Ватан сугышы ветераннарына һәм махсус хәрби операциядә катнашучыларга рәхмәт белдерде.
Төбәк мәгариф министрларының Бөтенроссия киңәшмәсе барышында вице-премьер Дмитрий Чернышенко һәм Россия Федерациясе Мәгариф министры Сергей Кравцов Россия Мәгариф һәм фән министрлыгының тотрыклы югары эш нәтиҗәләре өчен мактау грамоталары тапшырдылар. Алар белән Чуваш Республикасы мәгариф министры Дмитрий Захаров, Башкортостан Республикасы мәгариф министры Илдар Мавлетбердин, Марий Эл Республикасы мәгариф һәм фән министры Лариса Ревуцкая, Воронеж өлкәсе мәгариф министры Наталья Салогубова, Татарстан Республикасы мәгариф һәм фән министры Илсур Һадиуллин бүләкләнделәр.