Ләйлә Фазлыева: «Осталар шәһәре» - уникаль күргәзмә-ярминкә
Казанның Агросәнәгать паркындагы көзге ярминкәдә Татарстанның мәгариф учреждениеләре һәм уку йортлары үз продукцияләрен тәкъдим итте. «Осталар шәһәре» республика күргәзмә-ярминкәсендә Казанның меңләгән кешесе һәм башкала кунаклары катнашты. Алар биредә мәктәп, көллият һәм техникум бакчаларында үстерелгән төрле продукцияләр сатып алдылар.
Ярминкәнең барышы белән Татарстан Республикасы Премьер-министры урынбасары Ләйлә Фазлыева, Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы мәгариф һәм фән министры Илсур Һадиуллин таныштылар һәм сәламләделәр.
Л.Фазлыева монда тәкъдим ителгән ассортиментка да игътибар итте.
Быел ярминкәдә 70 тонна яшелчә һәм җиләк-җимеш, 50 тонна бөртеклеләр, 3000 берәмлек камыр ризыклары, 2500 банка консерва һәм 1000 килограмм бал сатылган.