Әлмәт районының Габдрахман авылында илкүләм проект буенча агросыйныф яңартылган

2025 елның 30 сентябре, сишәмбе

Әлмәт районының Габдрахман авылында агросыйныф яңартылды. Аны җиһазлауга «АПКда кадрлар» федераль проекты кысаларында «Азык-төлек куркынычсызлыгын технологик тәэмин итү» илкүләм проектына 5 миллион сумнан артык акча бүленгән.

2022 елда ачылган кабинетка хәзер заманча җиһазлар алынган. Алар арасында микроскоплар һәм үсемлекләрне үстерү өчен лаборатор комплектлар, интерактив такта һәм комплекслар, 3D-принтер һәм 3D-сканер, уку квадрокоптерын һәм робототехник системаларны җыю өчен җыелмалар бар.

Әлмәт районы матбугат хезмәтендә хәбәр итүләренчә, әлеге уку елыннан агросыйныфта җиденче һәм унынчы сыйныф укучылары “Агроинженерия” профиле буенча укыячак.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International