Россия Мәгариф министрлыгының дүрт Бөтенроссия һөнәри конкурслары финалының икенче туры башланды
Мәскәү өлкәсенең Е.М. Примаков исемендәге Өлкә гимназиясе мәйданчыгында 29 сентябрьдә Россия Федерациясе Мәгариф министрлыгының «Беренче укытучы», «Россия ел укытучысы», «Россия ел тәрбиячесе» һәм «Россия ел директоры» Бөтенроссия һөнәри конкурслары лауреатларын сәламләү тантанасы булды. Финалистларны конкурс сынаулары, мәгариф һәм мәдәни программалар көтә.
Беренче көн программасына «Мастер-класс» бәйгесе, «Мөһим әңгәмә» дәресе кертелгән. Шулай ук "Стоп, кадр!" стресс-тренингы планлаштырылган.
Икенче көнне катнашучыларны "Блицтурнир" бәйгесе, өченче көнне «Белем бирү форсажы» бәйге сынавы, шулай ук сатира театрында «Теркин» спектаклен карау көтә. Дүртенче көн Партнерлар көне дип игълан ителде. Финалга чыгучылар өчен балалар спектаклен карау һәм гимназиядә саубуллашу кичәсе оештырылачак.
Дүрт Бөтенроссия һөнәри конкурс призерларын һәм җиңүчеләрен бүләкләү тантанасы «Россия» Милли үзәгендә 3 октябрьдә узачак. Чара Дәүләт Кремль сараенда тантаналы концерт белән тәмамланачак.