Казан мәктәпләрендә хезмәт һәм ОБЖ кабинетларын яңартачаклар

2025 елның 30 сентябре, сишәмбе

Казанда белем бирү инфраструктурасын модернизацияләү һәм укытучыларга ярдәм итү эшләре дәвам итә. Бу уку елында мәктәпләрдә федераль грантлар хисабына хезмәт һәм ОБЖ кабинетларын яңартачаклар, ә 2026 елга планда - физика, рәсем һәм музыка кабинетларын җиһазландыру. Бу хакта эшлекле дүшәмбедә Казан Башкарма комитеты җитәкчесе Рөстәм Гафаров хәбәр итте.

Быел Казанның 37 методисты «Безнең иң яхшы методист» республика конкурсы кысаларында үз проектларын гамәлгә ашыру өчен грант ярдәме алган.

Грантның гомуми суммасы 5 млн 550 мең сум тәшкил итте. Моннан тыш, шәһәрдә яшь укытучыларга ярдәм итүгә юнәлтелгән яңа грантлар кертү турында нигезләмә әзерләнә. 50 гә якын белгеч квалификация күтәрү һәм һөнәри үсеш өчен 30 мең сум акча ала алачак.