Татарстан Республикасы командасы «Президент ярышлары» Бөтенроссия этабында призер булды

2025 елның 1 октябре, чәршәмбе

“Орленок” Бөтенроссия балалар үзәгендә 9-29 сентябрьдә “Президент ярышлары” бөтенроссия финалы узды. Бөтенроссия спорт ярышлары финалында 85 шәһәр һәм 79 авыл сыйныф-командалары , илнең 85 субъектыннан барлыгы 1 494 укучы катнашты.

Ярышларда Татарстан Республикасын Теләче районы урта гомуми белем бирү мәктәбе һәм Саба районының “Сәләтле балалар өчен” мәгариф үзәге тәкъдим итте.

Ярыш йомгаклары буенча Теләче районы урта гомуми белем бирү мәктәбе авыл командалары арасында гомуми команда зачетында призер булды! Команда җитәкчесе - Теләче урта мәктәбенең физик культура укытучысы Рафил Хәкимов.