Татарстанның мәгариф оешмалары «Россиянең иң яхшы инклюзив мәктәбе» бөтенроссия конкурсы финалына уздылар
25 сентябрьдә «Россиянең иң яхшы инклюзив мәктәбе» XII Бөтенроссия конкурсының федераль этабының читтән торып эшләү өлешенә экспертиза тәмамланды. 4-25 сентябрьдә 44 кешедән торган экспертлар төркеме 168 пакет конкурс материалларының анализлады.
Финалга Россиянең 32 субъектыннан, һәр номинациядә 10 оешма чыкты.
Татарстаннан Казанның Идел буе районы «Фарватер» 78 нче лицее («Иң яхшы инклюзив мәктәп» номинациясе), «Мирас - Мирледие» балаларны савыктыру лагере («Балаларның ялын һәм аларны сәламәтләндерүне иң яхшы инклюзив оештыру» номинациясе) финалга чыктылар.
Финал 14 октябрьдән 16 октябрьгә кадәр Мәскәүдә узачак. Конкурс Россия Мәгариф министрлыгы тарафыннан инклюзив белем бирү өлкәсендә иң яхшы методикаларны ачыклау максатларында уздырыла һәм «Яшьләр һәм балалар» илкүләм проектының максатлары һәм бурычларына туры килә.